عشان ماتنضربش على قفاك
بأسلوب بسيط وبطريقة السؤال والجواب، كتب ضابط الشرطة السابق العقيد عمر عفيفى كتاب: عشان ماتنضربش على قفاك، فى سبيل توعية المواطنين بحدود تعاملات رجل الشرطة مع المواطن، من حيث سلطات الشرطى فى تفتيش المنازل والاشخاص والسيارات، وحقه فى الاطلاع على الهوية، وغير ذلك. وماأن طرح الكتاب حتى صادرته وزارة الداخلية المصرية.. وبعد مطاردات امنية لعفيفى، قرر مغادرة البلاد الى الولايات المتحدة
و"عشان ما تنضربش على قفاك".. ننشر مقتطفات من هذا الكتاب
*******
س: يعنى إيه كمين؟
ج: المفروض إن مفيش حاجة اسمها كمين للناس، لأن الكمين بيكون للأعداء وإحنا مش أعداء للشرطة، لكن اللى بنشوفه بالليل اسمه لجنة لحفظ الأمن والنظام في الشارع.. واللى سماه كمين همّ الحرامية وميصحش أبدا إن حد يقول إن الشرطة عاملة كمين للناس
بأسلوب بسيط وبطريقة السؤال والجواب، كتب ضابط الشرطة السابق العقيد عمر عفيفى كتاب: عشان ماتنضربش على قفاك، فى سبيل توعية المواطنين بحدود تعاملات رجل الشرطة مع المواطن، من حيث سلطات الشرطى فى تفتيش المنازل والاشخاص والسيارات، وحقه فى الاطلاع على الهوية، وغير ذلك. وماأن طرح الكتاب حتى صادرته وزارة الداخلية المصرية.. وبعد مطاردات امنية لعفيفى، قرر مغادرة البلاد الى الولايات المتحدة
و"عشان ما تنضربش على قفاك".. ننشر مقتطفات من هذا الكتاب
*******
س: يعنى إيه كمين؟
ج: المفروض إن مفيش حاجة اسمها كمين للناس، لأن الكمين بيكون للأعداء وإحنا مش أعداء للشرطة، لكن اللى بنشوفه بالليل اسمه لجنة لحفظ الأمن والنظام في الشارع.. واللى سماه كمين همّ الحرامية وميصحش أبدا إن حد يقول إن الشرطة عاملة كمين للناس
س: إيه فايدة اللجان اللى بتكون في الشوارع بالليل في كل حتة؟
ج: اللجان بتكون متكونة من ظابط القسم، وظابط مرور، وظابط مباحث ومعاهم بوكس وأمناء شرطة وعساكر لحفظ الأمن والنظام في الشارع، لضبط المتهمين الهاربين من الأحكام وأى حاجة تمس الأمن العام وضبط المخالفات المرورية
س: على أى أساس بيوقفوا الناس ويسيبوا ناس تانية بدون توقيفهم أو حتى سؤالهم؟
ج: ظابط المباحث اللى في اللجنة بيكون عارف كتير من المجرمين والمسجلين في دائرة قسمه، وبيكون باين
*******
س: هل من حق الظابط يقبض على شخص لمجرد عدم وجود رخصة قيادة معاه؟
ج: عدم حمل رخصة القيادة لا تبيح للظابط القبض أو التفتيش لكن من حقه يسحب رخصة التسيير فقط بشرط تكون السيارة باسم قائدها ومعاه تحقيق شخصيته، ويقوم الظابط بإعطائه إيصال سحب لمدة أسبوع
س: هل من حقهم يطلبوا البطايق الشخصية؟
ج: من حقهم يطلبوا بطايق الناس عشان يتأكدوا من شخصياتهم ولو شكوا في حد ممكن يوقّفه على جنب من غير ما يركّبه البوكس أو يفتشه ويستعلموا عنه من القسم باللاسلكى اللى معاهم إذا كان مطلوب أو عليه أحكام ولا ل
أ
س: ومين اللى من حقه يطلب البطاقة أو الرخصة؟
ج: الظابط.. أو أمين الشرطة والمخبر والعسكرى من حقهم يطلبوا الرخصة فقط لتوصيلها للظابط، لكن اللى من حقه يسحب التراخيص لازم يكون ظابط المرور بنفسه ويعطيك وصل بالسحب.. لكن مش من حق الظابط أو غيره إنه يسحب الرخص بدون وصل سحب تراخيص
*******
س: هل من حق اللجان توقيف السيدات والبنات من قائدى السيارات؟
ج: من حقهم توقيف أى سيدة أو فتاة في اللجنة وسؤالها عن التراخيص مثل الرجال، ولو كانت أى واحدة بدون رخصة من حقهم سحب الرخصة الثانية وإعطاءها وصل بسحب الرخصة
س: هل من حق اللجنة سؤالى عن سيدة أو بنت جالسة جنبى في سيارتى وسؤالها عن بطاقتها؟
ج: من حقه سؤالها فقط عن بطاقتها للتعرف على شخصيتها وممكن يستعلم عنها بالجهاز من القسم لو شك إنها مطلوبة في حكم أو عليها أمر ضبط وإحضار.. لأن زى ما فيه مجرمين ومتهمين من الرجال فيه أيضا متهمين ومجرمين من النساء وبيكون عليهم أحكام واجبة التنفيذ
*******
س: أعمل إيه لو الظابط سألنى مين اللى معاك؟
ج: قولّه بكل بساطة زوجتى أو خطيبتى أو صديقتى ومن حقي الخروج مع صديقتى في أى وقت
س: هل من حقه ينزلها من سيارتى وياخدها على جنب بعيد عنى ويسألها عن أى حاجة أو يفتشها؟
ج: مش من حقه ينزّلها مطلقا من السيارة طالما غير مطلوبة في شئ أو معروفة لديه من قبل أو مسجلة، ومايقدرش أى ظابط مهما كانت رتبته يفتش أنثى تفتيش ذاتى حتى لو كانت متهمة في مليون قضية
س: ليه بنشوف بعض اللجان بتنزل البنات من التاكسيات ويخدوهم ع القسم وخصوصا في شارع الهرم وجامعة الدول؟
ج: فيه بنات كتير بيكونوا مسجلات آداب ودعارة وعليهم أحكام وبيكونوا معروفين للظباط
*******
س: أعمل إيه لو الظابط طلب منى أنزل من السيارة علشان يفتشها أو طلب منى أفتح الشنطة؟
ج: مفيش حاجة اسمها تنزل من سيارتك علشان يفتشها إلا لو كان معاه أمر من النيابة أو المحكمة بتفتيشك أو كنت في حالة تلبس بجريمة أو كانت ريحة السيارة تدل أن حد كان بيشرب فيها مخدرات مثلا, من حقك ترفض تفتح شنطة عربيتك وتقول للضابط: أفتح شنطتى ليه مادام رخصي سليمة وسيادتك شايف إنى مش محل شك والعربية ملكى وفتح الشنطة ده اسمه تفتيش وده محتاج إذن من النيابة, وأنا مش ممسوك لا في حالة تلبس ولا أنا حرامى وأنا عارف إنك راجل قانون وعارف الإجراءات كويس وعارف إنك مش ممكن تخالف القانون
س: ليه الضباط ساعات بينزلوا الشباب اللى راكبين في العربيات ويطلبوا منهم يقولوا: حاحا؟
ج: علشان يعرفوا لو كان اللى سايق شارب أى كحوليات أو لا، علشان بيكون ريحة فمه واضحة لما يقول "حاحا" ويبان إذا كان شارب كحوليات ولا لأ
*******
س: ولو أخدنى الظابط على القسم أو ركنى جنبه في الكمين؟
ج: لازم تتصل بحد من أهلك أو محاميك وتصمم تعمل له محضر في القسم بالواقعة اللى حصلت معاك وإنك اتقبض عليك في اللجنة
بدون وجه حق وتصمم على اتخاذ إجراء مع الظابط ومتتنازلش عن حقك
س: من حق الظابط يركنى جنبه في الكمين وقت قد إيه علشان يستعلم عنى من القسم؟
ج: وقت بسيط ميزدش عن نصف ساعة فقط، لأن مصالح ووقت الناس ليهم ثمن ومش لعبة
س: لو كنا راكبين ميكروباص وفى الكمين نزلوا الناس اللى فيه عشان يفتشوهم؟
ج: ماتوافقش إن حد يفتشك وترفضوا أى تفتيش، لكن من حقهم يشوفوا البطاقات فقط ويتحرّوا عن اللى شاكين إن عليهم أحكام أو مطلوبين في قضايا
*******
[size=21]يـ تـ بـ ـع..
منقوول
