السلام عليكم ورحمة الله
مبقاش عندنا مانع اننا نعرف كل يوم بنت جديدة
، ما دام ده بيزود قاعدة بيانات المزز عندك،
علشان تقدر تتفشخر بيها قدام اصحابك وكدة،
وتقولهم انا عندي يجي 100 بنت على الفيس بوك، او على الايميل
، او مثلا عندك على التليفون ارقام تليفونات بنات قد ايه، او كام واحدة بيتصلو بيك.
مبقتش فارقة معاك تبقى بتحب، او ما بتحبش،
المهم لو بنت جت فى طريقك ماتقولش للخير ابعد يا شيطان
، لا... ده انت بتجيبه يقعد ياكل معاك، دلوقتي اي بنت بتضحكلك مبقاش ينفع تعديها بالساهل كدة
... لا، لازم تضحكلها وتبصلها وتبصلك لغاية ما تجيب معاها م الاخر،
سألت هو ليه دايما عندنا شغف باننا نعرف بنات كتير
، ولو بنت جت قدامي جميلة او مش جميلة قوي... يعني معقولة،
مينفعش تفوت من تحت ايدي كدة وبصراحة ملقتش اجابة،
لقيت واحدة بتقولي "ده فراغ" قلتلها "ازاي يعني
علشان انا مش لاقي حاجة اعملها" قالتلى "لا، فراغ عاطفي
" قلتلها "طب ماهو انا بحب واحدة فعلا يبقى فين الفراغ العاطفي" قالتلي "تبقى فراغة عين" قلتلها "لا... انا مقصدش من معرفتي بيها كدة انا بتعرف عليها صداقة يعني" قالتلى "تبقى البنت اللى بتحبها مش مدياك كل حاجة" وسألت واحد تاني قاللى "يابنى احنا منعرفش نعيش من غير بنات" قلتله "على اساس ان هما الميا واحنا ارض زراعية" قاللى "لا، علشان هما حوالينا فى كل حتة وسالت واحد تاني عاقل ورزين وليه تجاربه فى الموضوع ده "قاللى يابني هي كدة قاعدة... بنت ضحكتلك، لازم تضحكلها، حسيت انك ممكن تظبطها، تبقى غبي لو مظبطهاش حتى لو ناوي تنفضلها بعد كدة".
بس بصراحة، قابلت بنى ادمين مش كدة خالص، بالعكس بيرفضوا الموضوع ده، وبيبقى الشخص ده قدر يلاقي الحب الحقيقي فى حياته، والبنت بصراحة مش مخلياه يبص بره، وهو كمان راضي ومقتنع، وقدر يبعد عن البنات اللى كان بيتعرف عليهم من باب الاخوة، ومنهم اللى بقوا اصحاب لحبيبته، ومن الاخر بقى، الموضوع بيبقى مجموعة ظروف نفسيه وعملية وبيئية، يعني الواحد لازم يبص للبيئة المحيطة بكل واحد، وعقليته هو ايه ، وعقلية اللى حواليه، وتصرفاتهم ومبادئهم وكل ده ليه تأثير كبير فى الموضوع، وبيفرق طبعا بين واحد والتاني حتى لو كانو من نفس العيلة، لان لكل واحد رأي وعقل ومبادئ ......
مبقاش عندنا مانع اننا نعرف كل يوم بنت جديدة
، ما دام ده بيزود قاعدة بيانات المزز عندك،
علشان تقدر تتفشخر بيها قدام اصحابك وكدة،
وتقولهم انا عندي يجي 100 بنت على الفيس بوك، او على الايميل
، او مثلا عندك على التليفون ارقام تليفونات بنات قد ايه، او كام واحدة بيتصلو بيك.
مبقتش فارقة معاك تبقى بتحب، او ما بتحبش،
المهم لو بنت جت فى طريقك ماتقولش للخير ابعد يا شيطان
، لا... ده انت بتجيبه يقعد ياكل معاك، دلوقتي اي بنت بتضحكلك مبقاش ينفع تعديها بالساهل كدة
... لا، لازم تضحكلها وتبصلها وتبصلك لغاية ما تجيب معاها م الاخر،
سألت هو ليه دايما عندنا شغف باننا نعرف بنات كتير
، ولو بنت جت قدامي جميلة او مش جميلة قوي... يعني معقولة،
مينفعش تفوت من تحت ايدي كدة وبصراحة ملقتش اجابة،
لقيت واحدة بتقولي "ده فراغ" قلتلها "ازاي يعني
علشان انا مش لاقي حاجة اعملها" قالتلى "لا، فراغ عاطفي
" قلتلها "طب ماهو انا بحب واحدة فعلا يبقى فين الفراغ العاطفي" قالتلي "تبقى فراغة عين" قلتلها "لا... انا مقصدش من معرفتي بيها كدة انا بتعرف عليها صداقة يعني" قالتلى "تبقى البنت اللى بتحبها مش مدياك كل حاجة" وسألت واحد تاني قاللى "يابنى احنا منعرفش نعيش من غير بنات" قلتله "على اساس ان هما الميا واحنا ارض زراعية" قاللى "لا، علشان هما حوالينا فى كل حتة وسالت واحد تاني عاقل ورزين وليه تجاربه فى الموضوع ده "قاللى يابني هي كدة قاعدة... بنت ضحكتلك، لازم تضحكلها، حسيت انك ممكن تظبطها، تبقى غبي لو مظبطهاش حتى لو ناوي تنفضلها بعد كدة".
بس بصراحة، قابلت بنى ادمين مش كدة خالص، بالعكس بيرفضوا الموضوع ده، وبيبقى الشخص ده قدر يلاقي الحب الحقيقي فى حياته، والبنت بصراحة مش مخلياه يبص بره، وهو كمان راضي ومقتنع، وقدر يبعد عن البنات اللى كان بيتعرف عليهم من باب الاخوة، ومنهم اللى بقوا اصحاب لحبيبته، ومن الاخر بقى، الموضوع بيبقى مجموعة ظروف نفسيه وعملية وبيئية، يعني الواحد لازم يبص للبيئة المحيطة بكل واحد، وعقليته هو ايه ، وعقلية اللى حواليه، وتصرفاتهم ومبادئهم وكل ده ليه تأثير كبير فى الموضوع، وبيفرق طبعا بين واحد والتاني حتى لو كانو من نفس العيلة، لان لكل واحد رأي وعقل ومبادئ ......
