عابر سبيل تايه فى بحور الهم والدنيا ما تداوى العليل
شايل جبال الغم فى سجن الاسى والويل
حتى اللى قالوا من زمان الفرحة هى المستحيل
فى دنيا مالياها وحوش
مبيرحموش
ولا يسبوش الحق يطلع من الفتيل
والظلم يجرى الف ميل
والكدب خلى القلب قافل كل سكة ترشده
وتعرفه
وتفهمه ان الحياة كانت تدوم لابن الاصيل
وابن الاصول
وابن الاصول اللى فى زمانا ما تلاقيه غير كل فين
واللى كانت كلمته حد السيوف على كل خاين وابن ليل
اصبح حكاية من اللى كانوا بيتحكوا وادمر الحلم الجميل
وابن الحرام
وابن الحرام اللى فى زمانا اصبح الحل البديل
واللى كانت كل كلمة ولا همسة
ترعبه
وتخوفه
وتفكره باصله الاليم
رجع ليالى العربدة والبلطجة
لما نسينا ان الاصيل هو الاصيل
وادمر الشرف الجميل
علشان بقينا فى زمان الحب اصبح مستحيل
والظلم هو احلى ميزة يعرفوها لكل جيل
واللى فى ادينا نعمله هو احنا نجرى فى الطريق
وربنا هو الوكيل
